Glencoe Health © 2007Chapter 23:
Medicines and DrugsChapit 23 Lèt pou Paran ak AktiviteChè Paran oswa Responsab, Plis pase nenpòt sijè n ap etidye, dwòg gen yon efè negatif
sou sosyete a. Yon kote, anpil kantite vi sove chak ane gras ak medikaman modèn. Yon
lòt kote, yo estime Ameriken yo depanse plis pase sis (6) bilyon dola
chak ane sou dwòg ilegal, sa ki lakòz konsekans pèsonèl
grav ak depans anpil santèn bilyon dola nan djòb ki pèdi,
nan swen medikal ak nan depans legal. Lè pitit adolesan ou etidye matyè ki
nan chapit sa a, l ap vin gen konesans ki ka ede li chwazi yon lavi san dwòg. Men sijè ki
pral diskite nan chapit sa a: - Wòl Medikaman yo.
- Itilizasyon Dwòg—Yon Konpòtman ki gen Gwo Risk.
- Mariwana, Inalan ak Estewoyid.
- Dwòg Siko-Aktif.
- Mòdvi San Dwòg.
Tanpri ranfòse travay n ap fè nan salklas nou. Pou fè sa,
pale avèk pitit gason ou oswa pitit fi ou sou youn oswa plis nan sijè sa
yo: Diskite avèk pitit adolesan ou sou nenpòt kesyon oswa enkyetid
li ka genyen sou prezans dwòg nan lekòl la ak nan kominote a. Poze
pitit adolesan ou kesyon sou objektif alontèm li epi diskite sou fason
ki fè itilizasyon dwòg ap nuizib pou reyalizasyon objektif sa
yo. Itilize anyè telefòn nan oswa Entènèt
pou chèche kote resous yo ye nan kominote a pou trete moun ki itilize
dwòg. Ankouraje pitit adolesan ou pou li diskite sou rezon ki
fè kèk adolesan santi yo gen obligasyon pou eseye dwòg. Diskite
sou metòd pou reziste kont presyon kondisip yo. Fè pitit
adolesan ou konnen estrateji pou ede li defann dwa li nan yon anviwònman
san dwòg. Lè ou montre avantaj pou rete san dwòg, mwen swete nou ka travay
ansanm pou kreye yon lekòl ak yon kominote pi asire ak pi fò. Mèsi
pou sipò ou bay nan travay k ap fèt nan salklas nou. Pa ezite
kontakte mwen si ou ta vle diskite sou edikasyon pitit adolesan ou sou lasante. Sensèman, Pwofesè Sante |